2025 жылғы 31 наурызда Астана қаласында Қазақстан Республикасының цифрлық даму, инновациялар және аэроғарыш өнеркәсібі вице-министрі Ростислав Коняшкиннің Астана қаласының тұрғындарымен есептік кездесуі өтті.

Кездесу барысында Ростислав Коняшкин Мемлекеттік қызметтерді электрондық форматқа көшіру бойынша жүргізіліп жатқан жұмыстар туралы айтты. Бүгінгі таңда қызметтердің 93% - ы электронды түрде көрсетіледі, оның 90,8% - ы eGov mobile платформасында қолжетімді.

Қазақстан онлайн-сервистерді дамыту бойынша әлемдік көшбасшылардың 10-на кірді, ал цифрлық құжаттарды танымал ету қағаз куәліктерден бас тартуға мүмкіндік береді. Бүгінгі таңда күнделікті өмірді жеңілдететін 34 цифрлық құжат бар. 3 миллионнан астам азамат проактивті қызметтерді пайдаланды, ал e-Otinish арқылы 2021 жылдан бастап 10,2 миллионнан астам өтініш берілді.

Вице – министр азаматтарға ыңғайлылықты арттыруға бағытталған цифрлық шешімдерге-әлеуметтік бастамаларға ерекше назар аударылатынын атап өтті:

• Цифрландыру арқылы 800 мыңнан астам әлеуметтік маңызы бар

қызмет көрсетілді.

• "Әлеуметтік әмиян" жобасы енгізілуде. Қазір пилоттық форматта

сервистер іске қосылды: тегін дәрі-дәрмектер және оқушылар үшін тегін тамақтану.

Сондай-ақ, IT саласына және 2024 жылы енгізілген цифрлық қызметтерге шолу жасалды. Астана қаласында байланыс сапасы, сондай-ақ алдағы жылдарға арналған жоспарлар талқыланды.

Жасанды интеллектті дамытуға ерекше назар аударылды: ЖИ комитеті құрылды, суперкомпьютерлік кластер іске қосылды және озық технологияларды одан әрі енгізу жоспарлары әзірленді.

Кездесу тұрғындармен ашық диалогпен аяқталды, олар өз сұрақтарын қойып, түсініктеме ала алды.