Семейде жылу беру маусымы аяқталды
Семей қаласында 2024-2025 жылдардың жылу беру маусымы сәтті аяқталды. Осыған орай қала әкімі Талғат Мұратов «Теплокоммунэнерго» КММ ұжымын, сондай-ақ қаланы тұрақты жылумен қамтамасыз етуге атсалысқан мердігер ұйымдардың мамандарына алғысын білдірді.
Оң және сол жағалауда орналасқан магистральдық және аулаішілік жылу желілеріне жөндеу жұмыстары жүргізілді. Жалпы алғанда, шамамен 10 шақырымдық жылу желісі жаңартылды.
«Қаланың тұрақты жылумен қамтамасыз етілуі – әрбір тұрғынның жайлы өмір сүруінің кепілі. Осы жауапты салада еңбек етіп жүрген сіздерге үлкен алғысымды білдіремін. Биылғы маусым апатсыз өтті десек, бұл – сіздердің еңбектеріңіздің нақты нәтижесі», – деді қала әкімі Талғат Мұратов.
Атқарылған жұмыстардың арқасында өткен жылғы маусыммен салыстырғанда апаттық жағдайлар 50%-ға, ал тұрғындардан түскен шағымдар 23%-ға төмендеген.
Жиын соңында қала басшысы жылу беру маусымында белсенділік танытқан қызметкерлерді Құрмет грамоталары және Алғыс хаттармен марапаттады.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚасым-Жомарт Тоқаев: «Мақсатым – экономиканы және егемендікті нығайту»Қазақстандық ЖЭО-лардың қоймаларында 4 млн тонна көмір және 85 мың тонна мазут жиналғанАБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ