2025 жылғы 25 сәуірде Төтенше жағдайлар министрлігінде «Тұрғын үй секторындағы жылыту маусымының қорытындысы және өрт қауіпті кезеңнің өтуі туралы» тақырыбында брифинг өтті. Спикер болып ТЖМ Өртке қарсы қызмет комитеті төрағасының орынбасары  Қанат Доспаев сөз сөйледі.

ТЖМ деректері бойынша 2024-2025 жылдардағы жылыту кезеңінде 4 041 өрт тіркелген. Нәтижесінде 416 адам құтқарылды, 187 адам қайтыс болды, 162 адам әртүрлі дәрежедегі күйік алып, уланды. Күн сайын ТЖМ бөлімшелері 100-ден 150-ге дейін әр түрлі сипаттағы төтенше жағдайларды жоюға, оның басым бөлігі өрттерді сөндіруге шығады.

Алдын алудың басым бағыттарының бірі жеке тұрғын үйлерді иісті газ датчиктерімен жарақтандыру болды. Халықтың әлеуметтік осал топтарының үйлерінде 36 000-нан астам датчик орнатылды.

Бұл жұмыстың тікелей нәтижесі – 66 датчиктің іске қосылып, 281 адам аман қалды. Оның ішінде өткен жылыту кезеңінде 13 датчик іске қосылып, 36 адам құтқарылды.

Талдау көрсеткендей, өрттің 45%-ы жеке тұрғын үйлерде, 41,5%-ы шаруашылық құрылыстарда, 13%-ы көп пәтерлі үйлерде болған. Негізгі себептері: электр құрылғыларын (36,5%) және пешті жылытуды (33%) пайдалану кезіндегі бұзушылықтар, отты абайсыз пайдалану, өртеу, мас күйінде темекі шегу және балалардың отпен ойнауы.

Өрт кезінде балалардың өлімі, көбінесе олардың қараусыз қалуына байланысты ерекше алаңдаушылық тудырады. Министрлік ата-аналарды мұқият болуға және тұрмыстық өрттің алдын алуға қатысуға шақырады.

ТЖМ газбен жылытылатын үйлердің иелерін қоса алғанда, халықпен жүйелі түрде түсіндіру жұмыстарын жүргізеді. Тұрғын үйді тексеру және ұсыныстар беру тұрғын үй иелерінің келісімімен ғана жүзеге асырылады.

Азаматтарға жылу жабдықтарын дайындау және өрт қауіпсіздігін қамтамасыз ету мәселелері бойынша ТЖМ аумақтық бөлімшелеріне жүгінуге болатындығы ескертіледі.

Өрт қауіпті кезеңнен қауіпсіз өту үшін алдын алу шараларының кешені жүргізіледі: өңірлерде аумақты тазарту және жырту жұмыстары жүргізіледі, сондай-ақ орманды-дала алқаптарында профилактика басталды. Мобильді топтардың күнделікті рейдтері жалғасуда, өрт қауіпсіздігі ережелерін бұзғаны үшін 900-ден астам құқық бұзушы әкімшілік жауапкершілікке тартылды.

Алайда күтілетін құрғақ ауа-райы және өңірлердегі құрғақ шөптің көп болуы табиғи өрттердің пайда болуы мен таралу қаупін сақтайды.

Осыған байланысты ТЖМ азаматтарды ашық отты пайдалану кезінде өрт қауіпсіздігі шараларын қатаң сақтауға шақырады.

Сенбіліктерді өткізу, үй маңындағы аумақтарды, бақша және саяжай учаскелерін тазарту кезінде ерекше сақ болыңыз.

Жанып тұрған сіріңкелерді, темекі тұқылдарын, өздігінен жанатын заттарды тастамаңыз. Балаларға өрт қауіпсіздігі ережелері мен өрт ойындарының қауіптілігі туралы айтыңыз.