Қанатты сөздер
Ақылды деп, арлы деп, ақпейіл деп,
Мақтамайды ешкімді бұл күнде көп.
©Абай Құнанбайұлы
Әсемпаз болма әр неге,
Өнерпаз болсаң арқалан.
Сен де бір кірпіш дүниеге,
Кетігін тап та бар қалан.
Қайрат пен ақыл жол табар,
Қашқанға да, қуғанға.
©Абай Құнанбайұлы
Өзіңе сен, өзіңді алып шығар,
Еңбегің мен ақылың екі жақтап.
©Абай Құнанбайұлы
Біріңді қазақ, бірің дос, көрмесең істің бәрі бос!
©Абай Құнанбайұлы
Ақыл, қайрат, жүректi бiрдей ұста,
Сонда толық боларсың елден бөлек.
©Абай Құнанбайұлы
Адамға — ақыл керек, іс керек, мінез керек.
©Абай Құнанбайұлы
Ауруды жаратқан құдай, бірақ ауыртқан құдай емес.
©Абай Құнанбайұлы
Ұл тәрбиелей отырып, халықты тәрбиелейміз, қыз тәрбиелей отырып, ұлт тәрбиелейміз.
©Мұхтар Әуезов
Кімде-кім қазіргі уақытта ана тілін, өзінің әдебиетін сыйламаса, бағаламаса, оны сауатты, мәдениетті адам деп санауға болмайды.
©Мұхтар Әуезов
Еккенің тікен болса, орғаның балауса болмас.
©Мұхтар Әуезов
Алдыңғы жақсы артқы жасқа тәлім айтпаса, ел болғаның қайсы?!
©Мұхтар Әуезов
Жауызға айтқан жақсы сөз – суға жазған сертпен тең.
©Мұхтар Әуезов
Кей адамнан ит ілгері, достықты ұмытпайды, адал қызмет етеді.
©Шәкәрім Құдайбердіұлы
Бұрын шын бар бүгін шын,
Ертең шын бар үш бөлек.
Керегі жоқ бұлардың,
Бұзылмайтын шын керек.
©Шәкәрім Құдайбердіұлы
Жұрт әділ болмай, жұрт ісі оңға баспайды.
©Әлихан Бөкейханов
Ұлтына, жұртына қызмет ету – білімнен емес, мінезден.
©Әлихан Бөкейханов
Алда әлі күнді көре білетін ұрпақ келеді! Сол күнді көретін ұрпақ сендерді еске алатын болады. Бізді ризашылықпен, үлкен құрметпен еске алатын болады. Өкінбеңдер! Күрес жолына түскендеріңе өкінбеңдер!
©Ә. Бөкейханның Міржақып пен Ахметке абақтыда жолдаған хатынан
Заң дегеніміз – ноқта.
©Шерхан Мұртаза
Өмірдің екі тірегі: үйренуден жалықпау, үйретуден аянбау.
©Дінмұхамед Қонаев
Өз ұлтын сыйламау, оны мақтаныш етпеу – сатқындық.
©Бауыржан Момышұлы
Шешен жігіт – жол бастар, батыр жігіт – қол бастар.
©Шалкиіз Тіленшіұлы
Адал адам Отанын сүйеді, адал, ақ жүрекке Отан — анасындай. Отанның дегенін істеу — қуаныш, мақтаныш. Отанға деген махаббатты, әсіресе біздегі махаббатты өлшеуге болмайды.
©Баубек Бұлқышев
Батыр боп жауға найзаң тимесе,
Батырлықтан не пайда.
Бай болып халқыңа пайдаң тимесе,
Байлығыңнан не пайда…
©Әйтеке би
Жұрттың көбіне ақыл берілгенімен, жүрек бәріне бірдей берілмеген.
©Бауыржан Момышұлы
Жас мұраты, білім, тәлім — талабы...
Өнер, оқу — жастықтың қару жарағы.
©Ілияс Жансүгіров
Жалпы адамзаттың жақсылығына сену — адамгершіліктің ең биік белгісі.
©Мағжан Жұмабаев
Серт адамды байлайды,
Ер жігіт серттен таймайды.
©Жамбыл Жабаев
Еңбек етпесең, жиған білімің кәдеге жарамай жатқан минерал секілді. Оның ішін аршып, асыл кенін жарқырату үшін еңбек керек, қол мен ой қимылы қажет.
©Қаныш Сәтбаев
Құт берекең - атаң қымбат,
Аймалайтын анаң қымбат.
Мейірімді апаң қымбат.
Асқар тауың - әкең қымбат.
©Қазыбек Келдібекұлы
Батыр боп жауға найзаң тимесе,
Батырлықтан не пайда.
Бай болып халқыңа пайдаң тимесе,
Байлығыңнан не пайда…
©Әйтеке би
Өгiздi өрге салма — қанатың талар,
Наданға көзiңдi салма — сағың сынар.
Досыңа өтiрiк айтпа — сенiмiң кетер.
Дұшпанға сырыңды айтпа — түбiңе жетер.
©Төле би Әлібекұлы