Семейде 5 облыстың судьялары арасында іріктеу ойындары өтіп жатыр

26-05-2025, 09:00 Думан Кенжеғазыұлы

Семейде Қазақстан Республикасы Судьялар одағының XI республикалық спартакиадасының Шығыс аймақтық іріктеу ойындары өтіп жатыр.

Спартакиада – салауатты өмір салтын насихаттап, судьялар арасындағы достық пен әріптестік байланысты нығайтуды көздейтін дәстүрлі спорттық дода. Үлкен жарыс қарсаңындағы іріктеу турниріне Қарағанды, Павлодар, Ұлытау, Шығыс Қазақстан және Абай облыстарынан 100-ден астам сот қызметкерлері қатысуда.

Судьялар құрамасы шағын футбол, волейбол, тоғызқұмалақ, үстел теннисі, үлкен теннис, шахмат, дойбы, бильярд және арқан тарту сынды спорттың 9 түрі бойынша сынға түседі.

Жарыстың ашылу салтанатына облыс әкімі Берік Уәли, ҚР Судьялар одағы орталық кеңесінің мүшесі Әуезнұр Қаженов, Абай облыстық сотының төрағасы Қайрат Чакпантаев, сондай-ақ Қарағанды, Павлодар, Ұлытау және Шығыс Қазақстан облыстары соттарының төрағалары қатысты.

Аймақ басшысы спортшыларға сәттілік тілеп, бұл жарыс судьялар қауымының бірлігін арттырып қана қоймай, қоғамда салауатты өмір салтын қалыптастыруға серпін беретінін атап өтті.

«Бұл дүбірлі жарыстың қазақ футболының отаны Абай жерінде өткізіліп жатқаны құба құп. Себебі, Абай өңірі Алаштың төбе биі, бүгінгі тілмен айтсақ, қазақтың алғашқы жоғары сот төрағасы Шәкәрім Құдайбердіұлының кіндік қаны тамған туған жері. Спорт – қашанда ынтымақтың, достықтың, парасат пен пайымның ортақ алаңы. Бұл алаңда әділет туын биік ұстаған судьялар қауымы спорт пен рух тәрбиесін ұштастырып, салауатты өмір салтын дәріптейтін айтулы спорт мерекесінде сіздермен жүздескеніме шын жүректен қуаныштымын. Абай елінің атынан баршаңызды шын жүректен құттықтай отырып, әр қатысушыға жеңіс пен шабыт, жарқын эмоция мен ұмытылмас сәттер тілеймін!», – деді аймақ басшысы.

Жарыс екі күнге жалғасады, жеңімпаздар арнайы марапаттарға ие болады.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Кәсіпкерлер соттардың бейтарап шешім қабылдайтынына сенімді болуы керек – Жоғарғы сот басшысы Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қазақстан Республикасы Судьяларының ІХ съезіне қатысты

Бізге ақпарат жолдаңыз Телеграмдағы каналымыз

Семейде 5 облыстың судьялары арасында іріктеу ойындары өтіп жатыр

Пікірлер (0)