Сенаттың Конституциялық заңнама, сот жүйесі және құқық қорғау органдары комитетінің депутаттары «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заңды іске асыру мәселелері бойынша тақырыптық отырыс өткізді.

Комитет төрағасы Нұрлан Бекназаров қабылданған заңның маңыздылығына тоқтала келіп, тұрмыстық зорлық-зомбылыққа қарсы күрестегі маңызды кезең ретіндегі рөлін атап өтті. Ондағы негізгі өзгерістерге назар аударылды, оның ішінде ұрып-соғу және отбасы денсаулығына жеңіл зиян келтіру, кәмелетке толмағандарды қудалауға жауапкершілікті күшейту және қорқытқаны үшін әкімшілік жауапкершілікті енгізу де бар.

«Әйелдердің құқықтары мен балалардың қауіпсіздігі туралы заң тұрмыстық зорлық-зомбылықпен күресуге арналған құралдарды ұсынады. Бүгінде заңнама өзгертілді, көмек ұйымдастырылды, ауқымды алдын алу шаралары жүргізілді, осылайша алғашқы қадамдар жасалды. Сонымен қатар, жергілікті жерлерде ұйымдастырушылық және ресурстық кедергілерді еңсеру қажет. Мекемеаралық үйлестіруді қарқынды жүргізу, ҮЕҰ-ның қолдауы және уақтылы қаржыландыру арқылы заң ережесінің толық іске асуын қамтамасыз ете аламыз. Нәтижесінде әрбір әйел мен әр бала өз қауіпсіздігі мен қорғалуына сенімді болатын қоғам құру керек», - деді Нұрлан Бекназаров.

Ішкі істер министрлігінің өкілі өз сөзінде зорлық-зомбылық туралы өтініштердің жалпы санының 26%-ға төмендеуінде, аса ауыр қылмыстардың айтарлықтай қысқаруында және құқықтық ден қоюды жандандырудағы осы заңды іске асырудың іс жүзіндегі нәтижелерін атап өтті. ІІМ сондай-ақ дағдарыс орталықтарымен және ҮЕҰ-мен өзара іс-қимылды күшейте түсті, отбасындағы зорлық-зомбылыққа қарсы күрес жөніндегі мамандандырылған бөлімшелер құрды және «Қазақстан отбасыларында зорлық-зомбылықты болдырмау» ауқымды шарасын бастады. Алдын алу жөніндегі креативті нысандарының қажеттігін атап өте келіп, ІІМ-нің зорлық-зомбылыққа мүлдем төзбеушілік қағидатын ұстанатындығын және ашық диалог пен мекемеаралық ынтымақтастыққа дайын екендігін жеткізді.

Шараға сонымен қатар Астана қаласының кәмелетке толмағандар суда жөніндегі мамандандырылған ауданаралық сотының төрағасы, Сот әкімшілігінің, Бас прокуратураның, Оқу-ағарту министрлігінің, сондай-ақ қоғамдық бірлестіктердің өкілдері қатысты.