Семей қаласында ұлы ойшыл Абай Құнанбайұлының 180 жылдық мерейтойының онкүндігі тойланады
Бағдарлама 1 тамыз күні Бейбітшілік аралында этноауыл мен мәдени-спорттық көріністерден басталады. Бұл туралы өңірлік коммуникациялар қызметі алаңында өткен баспасөз маслихатында Семей қаласы әкімінің міндетін атқарушы Бекжан Бапышев баяндады.
- Онкүндік аясында алғашқы күні «АДАМЗАТТЫҢ АЛЫБЫ – ХАКІМ АБАЙ» атты салтанатты ашылу рәсімі өтеді. Сондай-ақ, Арбат алаңында Абай туралы деректі фильмдер ұсынылады. 10 күн бойы этноауылда ұлттық спорт түрлерінен ашық турнирлер, зияткерлік ойындар, марафондар, әдеби және музыкалық кештер ұйымдастырылмақ. Мерейтой аясында республикалық «Абай Quiz», қазақ күресінен чемпионат, халықаралық марафон, ақындар мүшәйрасы және шығармашылық көрмелер өтеді. Ертіс жағасында күштік экстрим турнирі ұйымдастырылып, еліміздің барлық өңірінен спортшылар қатысады, - деді спикер.
Сонымен қатар, 5 тамыздан бастап халықаралық сән көрсетілімі басталып, қала аумағында Абай тұлғасын дәріптейтін театрландырылған көріністер, QR-кодтар арқылы Абай шығармашылығына қолжетімділік, волонтерлік және қайырымдылық акциялары өткізіледі.
- 10 тамыз күні Семей қаласының Орталық алаңында «Құлақтан кіріп бойды алар…» атты гала-концерт өтеді. Концерттік бағдарламада «Ұлытау» тобы, Жанар Дұғалова, Әбдіжаппар Әлқожа және басқа да танымал әншілер өз өнерлерін халыққа паш етеді. Мереке салтанатты отшашумен қорытындыланады, - деп түйіндеді Бекжан Бапышев.
Тағыда оқыңыз
Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзіМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіАБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІАбайдың 180 жылдығы 1-10 тамыз аралығында 10 күн атап өтіледі