Семейде «Абай және дін» республикалық конференциясы өтті

Бүгін, 12:46 Думан Кенжеғазыұлы

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Абай облысына жасаған жұмыс сапары аясында «Абай және дін: рухани тәрбиенің қайнар көзі» республикалық ғылыми-тәжірибелік конференциясына қатысып, баяндама жасады.

Бас мүфти өз баяндамасында хәкім Абайдың рухани мұрасының ислам құндылықтарымен үндестігіне тоқталып, ақынның адам тәрбиесіне қатысты ой-тұжырымдарының дінмен өзектестігін атап өтті.

«Абай мұрасы өміршең, жылдан жылға өзінің құндылығын арттыра түсуде. Абай атаған талап пен еңбек – қайратты танытса, терең ойыңыз – ақыл, ал қанағат пен рахым – жүректен туатын қасиеттер. Адам бойындағы осы үш қасиетті ерекше танып білуге тұратын таным екенін хәкім Абай «Малға достың мұңы жоқ малдан басқа» өлеңінде: «Үш-ақ нәрсе – адамның қасиеті: ыстық қайрат, нұрлы ақыл, жылы жүрек» деп нақтылай түседі. «Ыстық қайрат» үнемі ізденіс үстінде, тек алға ұмтылу, жасампаз болу ұғымын аңғартса керек. «Нұрлы ақыл» – елге сәуле түсіріп, ізгілікті іс істеу, Алла берген ақылды тек жақсылыққа жұмсау. Ал, «жылы жүрек» деген ұғым иманды, иман жүзді болу, адамдарға құрметпен қарау, олардың мұң-мұқтажын, көңіл-күйін ұға білу, айналаға шуақ шашу дегенді білдірсе керек. Міне, осы үш қасиет ізгілікті мақсатта пайдаланылған жағдайда ғана толық адам деген мәртебеге ие боламыз», – деді Бас мүфти.

Конференция барысында абайтанушы ғалымдар, теологтар мен дінтанушы мамандар хәкім Абайдың діни-философиялық көзқарастары мен ислам өркениеті арасындағы сабақтастықты талқылады.

Шара аясында «Абай еліндегі ислам» атты ғылыми-танымдық кітаптың тұсаукесері өтті. Басылымда Абай өңіріне ислам дінінің таралу тарихы, дін қызметкерлерінің өмір жолы, сондай-ақ Семей аймағындағы мешіт-медреселердің қалыптасу кезеңдері қамтылған.

Аталған еңбек тарихшы, дінтанушы, теолог мамандарға және еліміздің ислам тарихына қызығушылық танытқан көпшілік оқырманға арналған.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Наурызбай қажы Тағанұлы Бас мүфти болып сайланды Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Шәкәрім және бүгінгі қазақ қоғамы

Бізге ақпарат жолдаңыз Телеграмдағы каналымыз

Семейде «Абай және дін» республикалық конференциясы өтті

Пікірлер (0)