Бүгін облыс әкімі Берік Уәли Семей қаласындағы Кеңгірбай би көшесіндегі көпқабатты тұрғын үйдің аумағына барып, қасбетін жөндеу жұмысының жүргізілу барысымен танысты.

Аталған үйдің қасбеті термопанельмен қапталып, балкондар металлсайдингпен әрленген. Терезе жиектері мен сәндік кронштейндер орнатылған. Сондай-ақ, сыртқы жарықтандыру жүйесі қойылған. Қала әкімі Әділет Қожанбаевтың айтуынша, аймақ басшысының тапсырмасына сәйкес биыл шаһардағы 30-ға жуық үйдің қасбеті бірыңғай үлгіде жаңартылады. Қасбетті жаңарту ғимараттың сыртқы көрінісін жақсартып, шаһардың сәулеттік келбетін біріздендіруге бағытталған.

Қасбеті жөнделіп жатқан үйдің тұрғындары атқарылған жұмысқа ризашылықтарын жеткізді.

Облыс әкімі қасбеті жөнделіп жатқан үйді көріп, қала келбетін жақсарту бағытындағы жұмысты жүйелі түрде жалғастыру қажеттігін айтты.

Жалпы, Семей қаласында үйлердің қасбетін жөндеуге арналған жеке бағдарлама қарастырылмағанымен, 2023 жылы көпқабатты тұрғын үйлердің қасбеттері мен шатырларын ағымдағы және күрделі жөндеу жұмысын ұйымдастыру қағидалары бекітілген. Осы құжат негізінде 2022-2025 жылдар аралығында 89 көп қабатты тұрғын үйдің қасбеті ағымдағы жөндеуден өтті.