Бұл туралы өңірлік коммуникациялар қызметі алаңында өткен брифинг барысында Абай облысының сыбайлас жемқорлыққа қарсы қызмет басшысының бірінші орынбасары Рүстем Тоқбергенов айтты.

Мәселен, Семей қаласының жер қатынастары бөлімі сауда павильоны орналасқан жерді жалға алу мерзімін ұзарту кезінде орынсыз бюрократияға жол берген. Әкімдік павильонның эстетикалық келбеті қаланың дизайн кодына сәйкес келмейтінін сылтауратып, кәсіпкерге заңда көзделмеген талаптар қойған. Департамент уәкілетті органмен бірлесіп кәсіпкерлердің құқығын қорғады. Жалдау мерзімі ұзартылып, кінәлілер тәртіптік жауапкершілікке тартылды.

Сондай-ақ БАҚ өкілдеріне кәсіпкерлік басқармасымен бірлесіп гранттар беру, бизнесті қолдауға бағытталған мемлекеттік бағдарламаларды іске асыру мәселелері бойынша сыбайлас жемқорлық тәуекелдеріне сыртқы талдау жүргізіліп жатқаны туралы айтылды.

Спикер коммуникациялар қызметінің алаңын пайдалана отырып, аталған салада әкімшілік кедергілер мен сыбайлас жемқорлық тәуекелдеріне тап болған бизнес субъектілерін бірлесіп жұмыс істеуге шақырды.