Бүгін Жарма ауданының Жастар үйінде «МИСС ЖАРМА -2023» атты аймақтық қыз сыны байқауы өткізілді. 

«Қызды тәрбиелеу - ұлтты тәрбиелеу» дейді дана халқымыз.  Қыз бойындағы ибалылық, имандылық, қарапайымдылық, мейірімділік, қасиеттер тәрбие мен үлгі-өнеге арқылы қалыптасады.

Іс-шара барысында 9 қатысушы қазақ қызына тән қасиеттерді ортаға салып,  ұлттық өнерді насихаттау бойынша сайысқа түсті.

Әділ қазылар алқасының назарына тек шығармашылық қабілеттерін ғана емес, сонымен қатар аспаздық шеберліктерін де ұсынды. 

Сайыс барысында қатысушыларға түрлі тапсырмалар беріліп, ақылдылығы мен іскерліктері бойынша сынға түсті. 

Бағалау қорытындысы бойынша  «МИСС ЖАРМА – 2023» байқауының бас жүлдесін Түсіпханова Айсауле иеленді, белсене қатысқан барлық қатысушыларға  түрлі номинациялар бойынша сыйлықтар табыс етілді.