Жарма ауданында Отан қорғаушылар күні мен Ұлы Отан соғысындағы Жеңіс күніне арналған «Әкелер даңқы жолымен» атты облыстық әскери-патриоттық акция​ өтті.​ 

Керуеннің басты мақсаты​ —​ өскелең ұрпақты азаматтық-патриоттық және рухани тұрғыдан тәрбиелеу, Отан қорғаған жауынгерлердің ерліктерін есте сақтау, соғыс және еңбек ардагерлеріне деген құрмет сезімін қалыптастыру.

Семей қалалық ардагерлер кеңесінің төрағасы Кенжебай Құсманұлы​ Бердікенов бастаған топ мүшелері, ардагерлер, қоғам, мәдениет қайраткерлері​ ​ Маулет Әкімбайұлы​ Қилыбаев, Нұрқасым​ Жырғалыұлы​ Құсмилия, Кәрібай Сұлтанов, Серікбек Бақтажаров​ және де басқа ардагерлер кеңесінің мүшелері алдымен​ Шар қаласында, одан соң Қалбатау ауылында​ тұрғындармен, жастар өкілдерімен кездесулер өткізіп, мәдени бағдарламаларын ұсынды. Қазақстан Республикасының еңбек сіңірген қайраткері, танымал әнші Баян Сағымбаеваның шырқата салған салған әндерін, Семей қаласынан келген және​ жергілікті өнерпаздардың концертін​ көрермендер үлкен ықыласпен тыңдады.

Қонақтар соғыста қаза болған жауынгерлерге арналған мемориалға, Ауғанстанда қаза тапқан жауынгерлер мен Чернобыль апатын жоюға қатысушыларға арналған ескерткішке​ ​ гүл шоқтарын қойып, тағзым етті.​

Салтанатты шара барысында акцияға қатысушылар тарапынан​ «Алаш» атты төрт томдық тарихи естелік кітап және​ Ұлы Отан соғысы жылдарында майданға шақырылған жерлестеріміз туралы деректер жинақталған кітаптар табысталды.