Бүгін аудан орталығы Б.Тұрлыханов атындағы спорт кешенінде ауданның 95 жылдығы аясында, Жарма ауданы әкімінің жүлдесі үшін​ қазақ күресінен дәстүрлі «Жарма барысы-2023» турнирі өтті.​

Турнирдің салтанатты ашылуында аудан әкімінің орынбасары Райым Нұрғалиев құттықтау сөз сөйлеп, палуандарға сәттілік тіледі.

Турнирдің бас төрешісі Балахмет Хасенов жарыстың өту тәртібімен таныстырып, бұл шара қатысушылардың қазақ қүресіне деген​ қызығушылықтарының артуының айқын көрінісі екенін атап өтті.​ ​

Спорт сайысында округтерден келген 20-дан астам әуесқой палуан бақтарын сынап, боз кілемде 5 салмақ дәрежесі бойынша өзара күш сынасты. ​

Қазақ күресін насихаттау, бұқаралық спортты дамытып, салауатты өмір салтын қалыптастыру мақсатында өткізіліп отырған бәсеке өте тартысты өтті.

Әр округтің намысын арқалап келген үміткерлер арасынан Қалбатау ауылдық округінің өкілі Асылбек Сембековтің бағы жанып, ​ 1-орынды иеленді. Жеңімпаз палуан облыстық турнирдің іріктеу кезеңіне жолдама алды.

Ұлттық спорт түрлерін ұлықтауда белсенділік танытып жүрген азаматтардың өнегелі ісі кейінгі буынға үлгі-өнеге болары сөзсіз.