«Ауыл - Ел бесігі» жобасы аясында республикалық бюджет қаражаты есебінен​ Жарма ауданының 4 елді мекеніндегі 6 көшенің жолдарына орташа жөндеу жұмыстары жүргізілуде. 

Осы жұмыстар нәтижесінде​ елді мекендердің көше қиылыстары мен кіре берістері қалыпқа келтіріліп, жол қатынасы жақсара түспек. Жаңғызтөбе кентіндегі жанармай құю бекетінен 4 кварталға дейінгі ұзындығы 2,7 шақырым жолды, жанармай құю станциясынан теміржол вокзалына дейінгі ұзындығы ​0,9 шақырым жолды орташа жөндеу, Бірлік ауылындағы Ғайнуллин көшесінің ұзындығы 1 шақырым жолын,​ ​ Шалабай ауылындағы Шекембай көшесінің ұзындығы 1,1 шақырым жолын орташа жөндеу жұмыстары аяқталды.​ Шар қаласының көшелерін ағымдық жөндеуге қаражат бөлініп, конкурс нәтижесі бойынша мердігер «СКА» жауапкершілігі шектеулі серіктестігі  4 мың шаршы метрге жөндеу жұмыстарын жүргізіліп, толық аяқтады.

Омбы-Майқапшағай республикалық маңызы бар күре жолын жөндеп жатқан Қытайлық Синсин компаниясы әлеуметтік әріптестік аясында меморандум бойынша Қалбатау ауылында жалпы ұзындығы 7 шақырымды құрайтын Абай және Қабанбай көшелеріне ағымдық жөндеу жұмыстарын бастап кетті. Қазіргі таңда көшелердің негіздерін дайындап, асфальт жабындысын төсеу жұмыстарына кірісті.

Сондай-ақ Жарма ауданының Қаражал-Бірлік ауылдарына кіреберіс аудандық маңызы бар 9,4 шақырым автомобиль жолын орташа жөндеу бойынша конкурстың нәтижесіне сәйкес мердігер «Нұрлы жол - KZ» ЖШС-мен келісім-шарт жасалып, жол жөндеу жұмыстары басталады. Мердігер ауа райы т тның қолайлылығын пайдаланып, жөндеу жұмыстарын мерзімінде аяқтауға күш салуда. Сондай-ақ, жоғарыда аталған бағдарлама аясында Қалбатау ауылындағы Әбдірахманқызы ​ және Әлімбетов көшелерінің ұзындығы 3,9 шақырым жолдарын орташа жөндеу жұмыстары жалғасуда. 

Жобаларды іске асыру автокөлік құралдарының қауіпсіз қозғалысын және сапалы көлік инфрақұрылымын қамтамасыз етуге мүмкіндік береді.