Салтанатты кешке облыс және қала басшылығы, қала тұрғындары, еңбек ардагерлері, зиялы қауым өкілдері мен жастар қатысты.

Мерекелік іс-шарада Әміре Қашаубаев атындағы мемлекеттік филармонияның артистері өнер көрсетті. Олардың қатарында «Бибігүл» қазақ халық аспаптар оркестрі, «Тұмар» би ансамблі мен Қазақстан Республикасының белгілі орындаушылары болды. Еліміздің бай тарихы мен мұрасын бейнелейтін «Қазақстаным», «Сарыарқа», «Өр Алтай», «Өз елім» сынды музыкалық шығармалар көрерменнің ыстық ықыласына бөленді.