Бүгін қала әкімі Нұрбол Нұрсағатов жұмыс бабымен Достық ауылдық округінің орталығы Шақаман ауылына барды.

Қазіргі таңда Чекоман ауылының орталығында   футбол алаңының құрылыс жұмыстары аяқталды. Сонымен қатар, ағымдағы жылы «Гранд Семей» ЖШС-мен әкім аппаратының ғимаратында өрт дабылын орнатты.

Шақаман ауылында көше жарықтандыру бағаналарын қойылып, ауылдың көшелеріне жарықшамдар жүргізілді.
Сондай-ақ, өткен жылы Шақаман және Достық ауылдарында балалар алаңқайы бой көтерген болатын. Бірақ тиісті жұмыстар толығымен аяқталмады. Осы олқылықтарды жою үшін 2023 жылдың мамыр айында саябақтардағы шағын архитектуралық формаларды орнатуға қаражат бөлініп, түрлі формадағы архитектуралық насандар саябақтарға орнатылуда.

Шақаман ауылында 2021 жылдан бері шешімін таппай келе жатқан ең өзекті мәселе - су құбырының аяқталмауы. Мердігер ұйым су желілерін жүргізуге жерді қазып, келісімшарттағы келісімді толық орындамаған. Қазіргі таңда су құбыр желілерін құрылысын аяқсыз қалдырған “QazConstructions"ЖШС-не шартты бұзу және тұрақсыздық айыбын өндіріп алу туралы Абай облысының Мамандандырылған ауданаралық экономикалық сотына талап арыз жолданды.

Сот ұйғарымымен мердігер ұйым ағымдағы жылдың отызыншы қыркүйегіне дейін жұмыстарды толық аяқтауы керек. Қала әкімі құрылыс бөлімінің жетекшісіне су құбырларының Шақаман ауылына жүргізілуін қатаң бақылауға алуды тапсырды.