«Шәкен Айманов атындағы «Қазақфильм» АҚ жанындағы «Қазақанимация» шығармашылық бірлестігі анимация деңгейін жаңа белеске көтеру үшін шеберлік сыныптары мен практикалық сабақтар сериясын өткізуге анимация саласындағы жетекші мамандарды шақырды. Алматы қаласында ұйымдастырылған бұл іс-шара анимацияға қызығатын барлық жандарға нағыз жаңалық болатынына сенімдіміз.

Біздің спикерлер – өз саласында табысқа жеткен танымал тұлғалар. Олар өз білімдерін, тәжірибелерін және табыс кілтін сіздерге үйретуге дайын. Сіз жаңадан бастаушы болсаңыз да, белгілі бір тәжірибеңіз болса да, біздің шеберлік сыныптары мен практикалық сабақтарымыз көкжиектеріңізді кеңейтуге және жаңа биіктерге жетуге көмектеседі.

Іс-шара бағдарламасында жобаны әзірлеуден бастап оны халықаралық кино нарығында ілгерілетуге дейінгі әртүрлі тақырыптар қарастырылған. Сіз өзіңізге қызықты және өзекті нәрсені таңдай аласыз. Сабақтың практикалық форматының арқасында сіз теориялық білім алып қана қоймай, оны тікелей практикада қолдана аласыз.

Біз шеберлік-сыныптар мен практикалық сабақтар достық атмосферада өтетініне кепілдік береміз. Сіз спикерлерге түрлі сұрақтар қоя аласыз, Сізді қызықтыратын тақырыптарды талқылай аласыз және басқа қатысушылармен тәжірибе алмасасыз. Бұл тек үйренуге ғана емес, сонымен қатар ортақ ойлы адамдармен танысуға тамаша мүмкіндік.

Естеріңізге сала кетейік, «Қазақфильм» АҚ жанындағы «Қазақанимация» ШБ төмендегі критерийлер бойынша кинематография (анимация) саласындағы практикалық сабақтар мен шеберлік сыныптарына қатысуға тыңдаушыларды іріктеуді жалғастыруда:

- Кинематографиялық мамандықтардың студенттері: кино, режиссура, анимация және жоғары оқу орындары мен колледждердің ұқсас салаларында оқитындарға;

- «Анимациялық кино режиссурасы», «Анимация режиссурасы» мамандықтарына байланысты конкурстарға қатысқандарға; шығармашылық жобалар портфолиосы барларға;

- Кино және анимация мамандары: қазіргі мәртебесі мен жұмысына қарамастан тәжірибелі кино және анимация мамандарын; фильмографиямен расталатын кино және анимацияда тәжірибесі барлар;

- Кинематографияға қызығушылық танытатын және өз білімін тереңдеткісі келетін адамдар да өтінім беруіне болады. Бұл санатқа іріктеу студенттер мен мамандардың негізгі іріктеуінен кейін жүргізіледі.

Бірегей іс-шараға қатысу мүмкіндігін өткізіп алмаңыз!

Кино және телехикаялардағы жетістіктерімен, сондай-ақ кассалық рекордтарды жаңартқан көптеген табысты анимациялық фильмдердің танымал түрік кинопродюсері мен режиссері Нуруллах Ренханның шеберлік сабақтары мен практикалық сабақтары, 25-29 қыркүйек аралығында өтіп жатыр. Тақырыбы: «Халықаралық анимациядағы маркетинг әдістері».

Краковтағы бейнелеу өнері академиясын бітірген поляк суретшісі және режиссері Виолетта Сова шеберлік сыныптары мен практикалық сабақтары. Ол әртүрлі фестивальдарда сыншылардың жоғары бағасына және түрлі марапаттарға ие болған анимациялық фильмдерімен танымал. Сонымен қатар, Виолетта Сова балаларға арналған графикалық дизайнер және кітап иллюстраторы ретінде жұмыс істейді.

Виолетта Сованың шеберлік дәрістері: 2-6 қазан аралығында өтеді. Тақырыбы: «Режиссер көзқарасы бойынша қысқаметражды анимациялық фильмдер, телехикаялар өндірісі және XR тәжірибесіндегі көркемдік және өндірістік қиындықтар».

23-27 қазан аралығында «Маша мен аю», «Гора самоцветов» және «Простоквашино» жобаларымен танымал продюсерлер Елена Щичкина мен Елена Чернованың «Халықаралық нарық үшін анимациялық жобаны әзірлеу. Шығармашылық топтың міндеті және продюсерге не істеу керек» тақырыбындағы шеберлік сыныптары мен практикалық сабақтары өтеді.

Шеберлік сыныптар мен практикалық сабақтарда кездескенше!

Өтетін орны: SmArt.Point, Freedom залы.

Мекенжай: Алматы қаласы,  Байзақов көшесі 280.

Қосымша сұрақтар бойынша: +7 777 791 2000 (Айгерім).