Семей қаласының Қаштақ орманшылығында Абай облысының ТЖД және «Семей орманы» табиғи орман резерваты шартты өртті сөндіру бойынша бірлескен оқу-жаттығуын өткізді.

Аталған оқу-жаттығудың мақсаты - орман өртін сөндіруге қатысатын күштер мен құралдардың дайындығын пысықтау.

Өрт-тактикалық жаттығуларға барлығы 120 қызметкер, оның ішінде. апаттық Медицина орталығының мамандары 11 бірлік арнайы техника, авиация және 30-дан астам басқа да техника түрлері жұмылдырылды.

Семей қаласы ТЖБ қызметкерлерінің ұйымдастыруымен шартты өрт шықан жерге жақын орналасқан елді -мекен тұрғындарын көшіру үшін жергілікті атқарушы органдар мен полиция Департаментінің қызметкерлері де тартылған.
Сонымен қатар, жаттығуға колледждер студенттері санатынан құрылған еріктілер де қатысқан.