Көкпекті ауданында ауылдық клубтың салтанатты ашылуы өтті.

Ауылдық клуб ғимаратының ұзындығы 30 метр, ені 10 метрді құрайды. Бұдан бөлек, клубта аудитория мен киім ауыстыратын бөлме бар. Келушілердің жайлылығы үшін 200 орындық қойылған және қажетті музыкалық аппаратурамен қамтамасыз етілді.

Еске салсақ, ауыл тұрғындары ұзақ жылдар бойы лайықты орын болмағандықтан мәдени шараларды ұйымдастыра алмады. Мәселені ескере отырып жергілікті тұрғындар бастама көтеріп, өз қаражатына ауылдық клуб салу туралы ұсыныспен аудан әкіміне жүгінді.

Сонымен 2023 жылдың қыркүйек айында ауылдық клубтың құрылысы аяқталды. Бұл Ажа ауылының мәдени өмірі мен қоғамдық қарым-қатынасын байытудағы елеулі қадам болды.