Шыңғыс Ниязұлы Аманжолов 1986 жылы 6 мамырда Қарағанды облысы, Балқаш қаласында дүниеге келген. 2007 жылы Павлодар мемлекеттік университетін бітірген. С. Торайғыров «Құрылыс» мамандығы бойынша, кейінірек, 2013 жылы «Мемлекеттік және жергілікті басқару» мамандығы бойынша сол университетте оқуын аяқтады.

Еңбек жолын 2007 жылы «Алюминий Казахстана» АҚ Құрылыс-монтаж жұмыстары цехының 3-санаттағы шебер-бетоншысы лауазымында бастады, 2008 жылдан 2012 жылға дейін Павлодар облысы бойынша Мемлекеттік сәулет-құрылыс бақылау және лицензиялау департаментінің Мемлекеттік сәулет-құрылыс инспекциясы бөлімінде, Ақсу қаласының Сәулет және қала салу бөлімінде негізгі лауазымдарды атқарды.

2012 жылдан бастап ҚР Құрылыс және тұрғын үй-коммуналдық шаруашылық істері агенттігінің Астана қаласы бойынша Мемлекеттік сәулет-құрылыс бақылау және лицензиялау департаменті Мемлекеттік сәулет-құрылыс инспекциясы бөлімінің түрлі лауазымдарда жұмыс істеді.

2017 жылы бастап Астана қаласының Мемлекеттік сәулет-құрылыс бақылау басқармасы Мемлекеттік сәулет-құрылыс инспекциясы бөлімінің басшысы - мемлекеттік құрылыс инспекторы қызметін атқарды.

2019 жылдан бастап ҚР Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті мемлекеттік сәулет-құрылыс бақылау басқармасының бас сарапшысы-бас құрылыс инспекторы лауазымында еңбек еткен.

Тағайындалғанға дейін Абай облысы бақылау басқармасы (МСҚБ,  еңбек инспекциясы) басшысының орынбасары болды.