«Respublica» партиясының Абай облыстық филиалының ұйымдастыруымен Семей қаласы Төтенше жағдайлар басқармасының қолдауымен қаламыздағы жер үйлерінде орнатылған газ датчиктерін тексеру жұмыстары жүргізілді.

Төтенше жағдайлардың негізгі себептері отпен абайсыз болу, электр жабдықтарын және пештерді пайдалану ережелерін бұзу болып табылады. Сонымен қатар, қаланың кейбір тұрғындары газ бен орталық жылыту жүйесінің жоқтығынан көмірмен жылытады, бұл кейде қайғылы жағдайларға әкеп соғады. 

Датчиктер, қауіпті жану өнімдерінің ауадағы шекті рұқсат етілген концентрациясынан асып кеткенде, дыбыстық апаттық белгі береді. 

Тексеріс барысында газ датчиктерінің жарамдылық мерзімі, қолданылу барысы түсіндіріліп, тұрғындарға ақпараттық-насихаттау жұмыстары жүргізілді.