Семейде мың адам жаттығуға арналған «Alem» спорт кешені ашылды
Аталған спорт кешенін қазақ күресінен ҚР еңбек сіңірген спорт шебері, «Еуразия Барысы» халықаралық турнирінің төрт дүркін чемпионы, «Әлем Барысы» халықаралық турнирінің үш дүркін чемпионы, «Қазақстан Барысы» турнирінің екі дүркін чемпионы, «Amanat» партиясы Саяси кеңесінің мүшесі, Абай облысы мәслихатының депутаты, Семей қаласы Көлік колледжінің директоры Айбек Нұғымаров өңірде бұқаралық спортты дамыту мақсатында ашып отыр.
«Ерім дейтін ел болмаса, елім дейтін ер қайдан болсын?! Барлығы өздеріңіздің қолдауларыңызбен, ағайын! Спортты аяқтағаннан соң біраз уақыттан бері мақсат етіп жүрген «Alem» спорт кешенінің ашылу сәтінің куәгері болдыңыздар. Бұл менің спорттағы жеткен жетістіктерімнің үлкен бір нәтижесі болмақ. Мен әр жас жеткіншектің спортпен айналысып, еліміздің көк Туын биік ұстайтын, дені сау, Қажымұқан атамыздай мықты азамат болғанын қалаймын. Ер азамат ретінде ұлттың болашағының болғаны мен үшін маңызды. Осы уақытқа дейін менің жетістіктеріме қуанып, шашбауымды көтеріп келген халқыма, ел ағаларына, ата-анама, отбасыма, туған-туыс пен достарыма зор алғысымды білдіремін. Абай облысынан әлі де көптеген мықты спортшылардың болатынына үлкен сенім білдіре отырып, алдағы уақытта спорт кешенінің жұмысын креативті бағытта жандандыру мақсатым бар», - дейді Айбек Нұғымаров.
Айта кетейік, спорт кешенінде күрес, дзюдо, каратэ, бірнеше жаттығу залы орналасқан. Барлығы заманауи құрал-жабдық, материалдармен жабдықталған.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіПрезидент Қасым-Жомарт Тоқаевтың Республика күніне орай мемлекеттік наградалар мен сыйлықтарды салтанатты түрде тапсыру рәсімінде сөйлеген сөзіШәкәрім және бүгінгі қазақ қоғамыМемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзі