18-19 қаңтар күндері барлық православие шіркеулері «Крещение Господне» рәсімін атап өтеді. Соған сәйкес Семей қалалық төтенше жағдайлар басқармасы БАҚ-өкілдеріне арналған брифинг өткізді. Онда басқарма басшылығы суға шомылу кезінде қолға алынатын қауіпсіздік шараларына тоқталып, биыл шомылу рәсімінің өтетін орны өзгергенін мәлімдеді. Жыл сайын бұл рәсім Затон ауданында өтті. Ал, биыл ауа-райының өзгеруіне байланысты Затон ауданында шомылуға тиым салынды. 

«Қасиеттi бұлақ» - Семей қаласынан 19 шақырым жерде орналасқан су бұлағы. Мереке кезінде ол жерде құтқарушылар, дәрігерлер мен тәртіп сақшылары қауіпсіздік шараларын қамтамасыз ететін болады. 

Сонымен қатар, Төтенше жағдайлар жөніндегі басқарма қызметкерлері діни мерекеде тұрғындардың қауіпсіздігін қамтамасыз ету мақсатында, Ертіс жағалауында арнайы бақылау жұмыстарын жүргізеді.