Көрісу – Амал мерекесі күні Абай облысының әкімі, өңірлік Қазақстан халқы Ассамблеясы төрағасы Нұрлан Ұранхаев этномәдени бірлестік және қоғамдық институт өкілдерімен кездесті. Аталған іс-шарада алдағы жоспарлар мен Наурыз мерекесін өткізу барысы талқыланды.

Мемлекет басшысының тапсырмасына сәйкес Наурыз мейрамын тойлаудың жаңа тұжырымдамасы әзірленді. Онкүндіктің әр күні мәдениетіміздің байлығын, құндылықтары мен алуан түрлілігін көрсететуге арналған. Облыс көлемінде атап өту жоспарына сәйкес қайырымдылық, мәдени іс-шаралардан бастап, ұлттық дәстүрлер мен экологиялық акциялар, жалпы қоғам өмірінің барлық салаларын қамту көзделген.

Сондай-ақ, жиында орыс әлеуметтік-мәдени орталығы қоғамдық бірлестігінің басшысы Антонина Клиновицкая, «Возрождение» неміс қоғамдық бірлестігінің басшысы Лилия Гончарук, Абай облыстық «Қазақ тілі қоғамы» филиалы бірлестігінің төрағасы Оралғазы Шәріпбаев, облыстық ардагерлер кеңесінің төрағасы Мұратқазы Алин сөз сөйледі.