Еліміздің барлық білім беру ұйымдарында «Күй күмбірі» республикалық челленджі өтті. Бір уақытта екі миллионға жуық оқушы Құрманғазының «Балбырауын», «Адай», «Сарыарқа» және т.б. күйлерін орындады. 

Семей қаласы Т. Аманов атындағы №16 мектебі 2-8 сыныптың 60-ға жуық оқушысы Құрманғазының «Айжан қыз», «Ерке сылқым» күйлерін домбырада орындады. Ал Ы. Алтынсарин атындағы №37 мектеп-гимназиясының 1-9 сынып оқушылары «Салкүрең» күйін орындады.

Оқу-ағарту министрлігінің айтуынша, еліміздегі челлендждің ең кішкентай қатысушылары Абай облысының балалары - Семей қаласының «Бақыт» шағын орталығының тәрбиеленушілері болды. 

Домбырашылар челленджі - бұл 2023 жылы Оқу-ағарту министрлігінің бастамасымен Наурыз қарсаңындағы бастау алатын кең ауқымды республикалық акция.