2024 жылдың 19 наурыз күні қалалық Мәдениет сарайының сахнасында «Абай облысы Семей қаласының мәдениет және тілдерді дамыту бөлімі» ММ ұйымдастыруымен және «Семей» мәдени-бос уақыт орталығының» әкімшілігі қолдауымен, «Наурыз мейрамын» мерекелеу аясында, «Наурыз аруы-2024» қалалық байқауы өтті. 

Шараның мақсаты: өскелең ұрпақтың ұлттық құндылықтарға қызығушылығын арттыру, дәстүр мен әдет-ғұрыптарға деген сүйіспеншілік пен сыйластықты, қарапайымдылықты, өнерге, сахналық мәдениетке деген қызығушылықты тәрбиелеу, шығармашылық қабілеттерді дамыту.

Жарысқа 12-15 жас аралығындағы қыз балалар қатысты. Шара барысында қатысушылар өздерін таныстырып, өз өнерлерін ортаға салды. Сондай-ақ, үй тапсырмаларын орындап, сәнді киім үлгілері дефилесін көрсетті.

Байқау барысының әрбір кезеңі арасында көрермендер мен жанкүйерлерге концерттік бағдарламалар ұсынылды.

Байқау қорытындысы бойынша жүлдегерлер мен қатысушылар диплом және бағалы сыйлықтармен марапатталды.