Биыл Абай облысы бойынша 4878   түлек  мектеп бітіреді, оның ішінде  ҰБТ тапсыратын балалар саны   4350. «Алтын белгіге» үміткерлер саны - 224 оқушы болса, 443 оқушы үздік аттестатқа талпынғандар қатарында.

Бұл туралы Абай облыстық білім басқармасының 018.KZ – ABAI-AQPARAT порталына жолдаған мәліметінде айтылған. 

Еліміз бойынша, ҰБТ   2024 жылдың  16 мамыр -5 шілде аралығында  өткізіледі. ҰБТ-ға қатысушы талапкердің өзімен бірге төмендегідей құжаттары болуы тиіс:

- жеке басын куәландыратын құжат;

- 16 жасқа толмағандардың жеке куәлігі жоқ болса, мектеп мөрімен, директорының қолымен бекітілген анықтама және туу туралы куәлік болу қажет. 

Ескертпе: тестілеуші жеке куәлігін ұмытып кеткен жағдайда, eGov mobile қосымшасындағы жеке куәлігін электронды түрде ұсынуға болады.

Облыс  бойынша  қаңтар айында 3 мыңнан астам,  наурыз  айында 4 мыңға жуық  түлек қатысқан.

Жалпы тест тапсыру уақыты- 4 сағат (240 минут), 5 пән

Тапсырмалар саны ҰБТ - 2024 өзгеріссіз қалады - 120, оның ішінде:

Негізгі тапсыру пәндері 

- «Қазақстан тарихы» бойынша 20 тапсырма, шекті балл-5;

- «оқу сауаттылығы» бойынша 10 тапсырма, шекті балл-3; 

- «математикалық сауаттылық» бойынша 10 тапсырма, шекті балл-3. 

Өз еркімен  таңдайды:

- екі бейіндік пән бойынша 40 тапсырмадан, шекті балл-3 баллдан.

 Таңдау пәндері: 40 тапсырма – 50 балл, оның ішінде:

- бір дұрыс жауабы бар тапсырмалар – 25 сұрақ;

- контекст-5 сұрақ;

- бір немесе бірнеше дұрыс жауапты тапсырмалар (2 балл) -5 сұрақ;

- сәйкестікті анықтауға арналған тапсырмалар (2 балл) -5 сұрақ.

Маңызды өзгеріс міндетті пәндер бойынша тапсырмалар санын азайтуға қатысты. 

2024 жылы «оқу сауаттылығы» және «математикалық сауаттылық» 5 сұраққа қысқартылды. Бұл бейіндік пәндер бойынша сұрақтар санын 40-қа дейін арттыруға мүмкіндік берді. Бұл өзгерістер тест тапсырмаларының сапасын және олардың функционалдық сауаттылық пен сыни ойлау дағдыларын бағалаудың әлемдік стандарттарына сәйкестігін арттыруға бағытталған.

Абай облыстық білім басқармасының мәліметі бойынша, ҰБТ-ға қатысушылардың басым бөлігі «Математика-Физика» және «Химия-Биология» пәндерін таңдаған. Сонымен қатар, 12 пайызы «Математика-Информатика комбинациясын таңдаған. Ең аз таңдалған пән – «Химия-Физика». Ең жоғары балл саны өзгеріссіз қалады - 140 балл.

Сондай-ақгрантқа түсу үшін түлектердің 2 мүмкіндіктері бар: мамыр- маусым айларында.

Ақылы оқу үшін 3 мүмкіндік: қантар, наурыз және тамыз айларында қарастырылған.

Жоғары оқу орындарына түсу үшін шекті балл:

- ауыл шаруашылығы және биоресурстар, ветеринария (национальные ВУЗы) -60 балл;

- денсаулық сақтау-70 балл;

- құқық педагогикалық ғылымдар-75 балл;

- национальные ВУЗы-65 балл;

- другие ВУЗы-50 балл.

Әр жоғары оқу орны өз шекті балын белгілей алады. 

Облыс мектептерінде тестке қатысушыны қолдау мақсатында дайындық үшін  онлайн байқау сынақтары; тегін онлайн сабақтар;  тест спецификасы; тест жоспары; «Қазақстан тарихы» және «Дүниежүзі тарихы» бойынша 100 дата; «информатика» бойынша терминдер; «Қазақ әдебиеті» және «орыс әдебиеті» бойынша шығармалар  дайындалды.

Сонымен қатар, тестілеу барысында: калькулятор, периодтық кесте және тұздардың ерігіштік кестесі; тақырыптық талдау; «Информатика» бойынша терминдердің аудармасын пайдалануға болады.