Бородулиха ауданында Абай облысы әкімінің тапсырмасымен бейнебақылау жүйесін орнату басталды.

Қазір «Транстелеком» мекемесі аудан орталығында 48 Hikvision бейнекамерасын қосуға арналған жабдықты орнату үстінде.

Аудандық полиция бөліміне радиобайланыс пен мониторлар орнатылды. Оның ішінде 15 камера 360 градус көру радиусымен қамтылған. Барлық жазбалар 30 күн бойы сақталады.

Камералардың негізгі қызметі – қылмыс пен құқық бұзушылық деңгейін төмендету, орын алған қылмыстардың ашылуына көмектесіп, төтенше жағдайларға жедел әрекет ету.

Бүгінде ажыратқыштар мен жабдықтары бар шкафтарды орнату жұмыстары жүргізілуде. Жезкент кентіне бейнебақылау жүйесін орнату жоспарда бар.