Shakarim University студенттері 40 бағыт бойынша қазақ және орыс тілдерінде локализацияланған курстарды таңдауға бірегей мүмкіндік алды. Аталған ЖОО-ға Coursera курстарына 1000 лицензия берілді. 2 аптаның ішінде 400-ден астам білім алушы шетелдік жоғары оқу орындарының курстарынан белсенді өтіп, сертификат алып шықты. 

Мысалы, Замира Мурсалимова «Журналистика» ББ студенті Калифорния университетінің «ХХІ ғасырдағы жұмыс орнындағы байланыс» курсын сәтті аяқтады. Замираның айтуынша, Coursera курсы студенттерге қызмет бабында дұрыс қарым-қатынас жасауды үйретеді. Себебі  қазіргі заманғы қарым-қатынас планета халқының үнемі өсуіне, технология арқылы байланыс тәсілдерінің кеңеюіне және медицина мен ғылымның соңғы жетістіктеріне байланысты күрделене түсуде. 

Оқу орнының студенттері инновация, стратегиялық көшбасшылық және менеджмент, инженерлік салаларға арналған математика, маркетинг, логика және сыни ойлау, Python бағдарламасы, мансаптық табысқа жету, механика және т.б. бағыттар бойынша өз білімдерін жетілдіруде. Оқыту бірнеше модульдерден тұрады: тестілеу, дәріс және емтихан.

Coursera – білім алудың, сізді қызықтыратын тақырыптар бойынша өз ойыңызбен бөлісудің тамаша тәсілі! Coursera күн сайын жаңа деңгейге көтерілу үшін өзіңізді күшейтудің әртүрлі жолдарын ұсынады!