«Шығыс» өңірлік қолбасшылығына қарасты 28738 әскери бөлімінің әскери қызметшісі бөлімше командирі сержант Дүйсембеков Бақытжан әлемдік жауынгерлік самбодан жүлделі 2 орынға табан тіреді. Жүлдегерді қарсы алу үшін теміржол бекетіне жақындары, әріптестері, достары, басшылығы жиналды. 

Әлемдік чемпионат Астана қаласының Жақсылық Үшкемпіров атындағы жекпе-жек сарайында өткен болатын. 80 кг дейіңгі салмақта сайысқа шыққан Бақытжан ширек финал алдындағы төрт кездесуін айқын басымдылықпен аяқтап, финалды украин балуанына дес беріп, күміс медальді еншілеген. 

Бақытжан Дүйсенбеков Семей қаласы, Водный кентінің тумасы, әскер қатарында жүріп, әлемдік додада Абай облысының тарихында із қалдырып, жүлделі орын иеленгені үшін жақындары аты-жөні жазылған арнайы шапанды сыйға тартты. 

Абай өңірлік гарнизонының баспасөз қызметі