2023 жылы 1 қаңтардан бастап азаптауды қолдану фактілері бойынша қылмыстық істерді тергеу прокуратура органдарына бекітілді.

Абай облысының аумағында қылмыстық-атқару жүйесінің 4 мекемесі және пробация қызметінің 14 бөлімі жұмыс атқарады.

Облыс бойынша 2 167 сотталған жазасын өтеуде (мекемелерде – 1 348, пробация есебінде – 819).

Мемлекет басшысының тапсырмасы бойынша барлық түзеу мекемелер үздіксіз бейнебақылаумен жарақтандырылуда, сондай-ақ азаптауға мүлдем төзбеушілік мәдениетін енгізу үшін прокуратура және ҰАТ өкілдерінің қылмыстық-атқару жүйесінің қызметкерлерімен жұмыс кездесулері өткізілуде.

Кез келген азаматта түзеу мекемелер немесе пробация қызметкерлері тарапынан заңсыз іс-әрекеттер туралы ақпарат болуы мүмкін, осыған байланысты Абай облысының аумағында осындай мәліметтер болған жағдайда орынға шығуды жүзеге асыру және тиісті шаралар қабылдау үшін прокуратураға +7 775 250 79 57 нөмірі бойынша дереу хабарлауды сұраймыз.