«Заң мен Тәртіп» идеологиясын ілгерілету аясында Сыбайлас жемқорлыққа қарсы қызметтің Абай облысы бойынша департаменті Бородулиха ауданының активімен көшпелі кеңес өткізді.

Сыбайлас жемқорлыққа қарсы қызметтің Абай облысы бойынша департаментінің Превенция басқармасының басшысы Нұржан Толыбеков сыбайлас жемқорлық тәуекелдеріне ішкі талдау институты туралы егжей-тегжейлі айтып, жемқорлық тәуекелдерін анықтау әдістемесімен бөлісті.

Сондай-ақ, аймақтардағы сыбайлас жемқорлық деңгейін бағалау әдістемесі таныстырылды.

Ағымдағы жылы жергілікті атқарушы органдардың қызметі сыбайлас жемқорлық құқық бұзушылықтар және сыбайлас жемқорлыққа қарсы шектеулерді бұзу, мемлекеттік органдар қабылдайтын шаралардың тиімділігі, сондай-ақ сыбайлас жемқорлық деңгейін қабылдау сияқты үш модуль бөлінісінде сыбайлас жемқорлық деңгейі бойынша бағалауға жататынын атап өтеміз.