Абай облысының прокуратурасы ағымдағы жылдың ақпан айына облыстық «Психикалық денсаулық орталығының» (бұдан әрі - Орталық) бөлімшелерінде 128,1 млн.теңге сомасына 646 қызметкердің алдында жалақы бойынша берешек бар екенін анықтады. 

Осы мәселені дереу шешу мақсатында облыс прокуратурасы облыстың денсаулық сақтау басқармасы басшылығының атына заң бұзушылықтарды жою туралы ұсыныс енгізді. 

Бұдан басқа, 28.02.2023 ж. орталықтың басшылығымен, ұжымымен және кәсіподақ өкілдерімен кездесу ұйымдастырылды, оның нәтижелері бойынша облыстың денсаулық сақтау басқармасына осы мәселені тез арада реттеу туралы тапсырма берілді. 

Облыс прокуратурасын үйлестіру кезінде медицина қызметкерлерінің алдындағы жалақы бойынша берешек толығымен өтелді, сондай-ақ ағымдағы жылдың ақпан айындағы жалақы уақтылы есептелді. 

Абай облысының прокуратурасы