Семей қаласы әкімінің міндетін атқарушы Бекжан Бапышев «Водный» кентінің тұрғындарымен кездесу барысында ауыз су бойынша көтерілген кент тұрғының мәселесімен танысу үшін арнайы баратынын айтқан болатын.

Кеше өткен кездесуде берілген уәдеге сәйкес, бүгін Бекжан Бапышев кентке арнайы барып, тұрғынның жағдайымен танысты.

Су тарту жұмыстары аяқталса да кент тұрғыны бүгінгі күнге дейін ауыз сусыз отырған.

Қала әкімінің міндетін атқарушы оқиға орнына мердігер компания өкілдерін шақырып, аталған мәселені жедел шешіп берді.

Әкімдіктің жедел араласуының нәтижесінде, тұрғынның үйіне су беріліп, мәселе толықтай оң шешімін тапты.

Семей қаласы әкімдігі тұрғындар көтерген әрбір мәселені назардан тыс қалдырмай, оларды уақтылы және сапалы шешу үшін барлық қажетті шараларды қабылдайтын болады.