Семей қаласында тұрғындардың күнделікті өміріне қатысты мәселелерді шешу жұмыстары жалғасуда. Қала әкімінің міндетін атқарушы Бекжан Бапышев жеке қабылдауда айтылған өтініштерді назарға алып, бірқатар мекенжайларға барып, жағдаймен танысуды жалғастыруда.

Атап айтқанда, Уәлиханов 157, Алматинская 28, Тельман 149, Боровая 126 және Достоевский көшесіне барды.

Көтерілген мәселелер арасында тұрғындар аула аумағын абаттандыру, ауызсу, көше жарығы мен жол жабынын қалыпқа келтіру, сондай-ақ цехтан шыққан қатты дыбысқа шағымданды.

Әр өтініш мұқият тыңдалып, бүгінде тиісті бөлімдер мен коммуналдық қызмет басшыларына нақты тапсырмалар берілді.