Алакөл көлі жағалауында жазғы маусымға дайындық жұмыстары басталды

25-04-2023, 17:14 Думан Кенжеғазыұлы

Абай облысының інжу маржаны - Алакөл көлінде жазғы маусымға дайындық жұмыстары басталды. Бұл туралы «018.kz» редакциясының жолдаған сауалына Үржар ауданының әкімдігі жауап берді.

- Алакөл көлі жағалауының туристік жазғы маусымға дайындығы бойынша «Мақаншы» коммуналдық мемлекеттік кәсіпорын тарапынан жағалауға тазарту және абаттандыру жұмыстары жүргізілуде. Бүгінгі күні мердігерді анықтау мақсатында конкурстық рәсімдер жүргізілуде. Мердігер анықталғаннан кейін тиісті жұмыстар атқарылады, - дейді Үржар ауданының әкімдігі.

Сондай-ақ, аудан әкімдігі жағалаудағы қауіпсіздік шаралары қалай болатындығы туралы айтты.

- Демалушылардың қауіпсіздігін қамтамасыз ету үшін арнайы қалқымалармен (2000 метр) жағалау қоршалады. Жыл сайын ені 200 м көл түбін тазарту жұмыстары жүргізіліп отырады. Өрт қауіпсіздігін сақтау мақсатында (көлдің демалыс аймағынан 2 км жерде), 2 автокөлікке арналған тез салынатын конструкциялардан өрт сөндіру депосын салуға жер учаскесі бөлінді. Бүгінгі күнге өрт сөндіру депосын жобалық-сметалық құжаттары әзірленуде. Нысанның құрылыс жұмыстарын 2024 жылы бастау жоспарлануда, - деп атап өтті.

Биыл туристер Алакөлге әуе немесе көлік қатынасы арқылы жете алады.

- «Қазақстан Республикасының авиациялық әкімдігі» АҚ-нан әуеайлақтың жарамдылық сертификаты алынды. Нәтижесінде ұшу-қону жолағы 600 метрге ұзартылып жалпы 2100 метрге дейін жетті, бұл Fokker 50, Bombordier CRJ-200, Bombordier Q400, Embraer EMB 120 ER әуе кемелерін және осы үлгідегі сиымдылығы 80-100 орындық басқа да ұшақтарды қабылдауға мүмкіндік береді. Онымен қоса әуе кемелерін тәуліктің қараңғы уақытында да қабылдау жарық-сигналдық жабдықтары мен бейне бақылау орнату бойынша жұмыс жүргізілуде. Әуежай терминалының сағатына 100-150 жолаушыға қызмет көрсетуін қамтамасыз ету мақсатында жобалық-сметалық құжаттама әзірленуде, - делінген әкімдік хабарламасында.

Туристік маусым кезінде «Оңтүстік аспан» әуе компаниясы тарапынан Алматы және Семей қалаларына, ал «QAZAQ AIR» әуе компаниясы тарапынын Астана қаласына әуе рейстері ұйымдастырылған. Билет бағасы субсидиялау арқылы арзандалатылған.

Айта кетейік, ағымдағы жылы туристік маусымға Үржар ауылындағы әуежайға: Астана қаласынан аптасына 5 рет, Алматы қаласынан 4 рет және Семей қаласынан 3 рет әуе ұшақтарын қабылдау жоспарлануда. Билет құны: Астана-Үржар 16 000 теңге, Алматы-Үржар 14 000 теңге, Семей-Үржар 12 000 теңгені құрайды.

Сондай-ақ, Жалаңашкөл станциясына Алматы, Астана, Өскемен және Семей қалаларынан тікелей бағыттар арқылы демалушылардың теміржол арқылы қатынауы мүмкіндіктері қарастырылған.

Жаланашкөл станциясынан көл жағалауына дейін жолаушыларды тасымалдауға 2 «Setra» маркалы автобус және 5 шағын автобустар ұйымдастырылған, олардан басқа 20-дан астам жеке тасымалдаушы тұрақты түрде қызмет көрсетеді.

- Алакөл көлі жағалауындағы екі автобекет Астана, Алматы, Павлодар, Өскемен, Семей, Аягөз қалаларынан автобуспен келушілерге қызмет көрсетуге дайын, - дейді аудан әкімдігі.

Алакөл көлі жағалауында TOURIST INFO ақпараттық орталығы жазғы маусымда қызмет атқарады. Демалушыларға тегін ақпараттық кеңестер беріліп Алакөл көлі жағалауында орналасқан кәсіпкерлік нысандар картасы тегін ұсынылады. Аталған карта бойынша TOURIST INFO ғимаратының аумағында 4*2 көлемде баннер орнатылған. Сонымен қатар LED экран арқылы суға түсу ережелері, суда қауіпсіздік ережелерін сақтау бойынша қысқа көлемде бейне роликтер қосулы тұрады.

Тағыда оқыңыз

АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ Үкіметте Қазақстан өңірлерінің су тасқынына дайындығы қаралды АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ

Бізге ақпарат жолдаңыз Телеграмдағы каналымыз

Алакөл көлі жағалауында жазғы маусымға дайындық жұмыстары басталды

Пікірлер (0)