Бесқарағай ауданының 95 жылдық мерейтойы аясында Ұлы Отан соғысының ардагері Қайыржан Сабырбаевты еске алуға арналған, аудандық ардагерлер арасындағы волейболдан III ашық турнир басталды.

Шараға аудан әкімі Талғат Мұратов қатысып Ұлы Отан соғысының ардагері Қайыржан Сабырбаевтың туған-туыстарына алғысын білдіріп, спортшыларға сәттілік тіледі.

Турнирге Павлодар облысы, Семей қаласы, Бесқарағай ауданының Өндіріс, Кривинка ауылдарының командалары қатысуда. 

Іс-шараның салтанатты ашылуында аудандық Мәдениет үйінің жезтаңдай әншілері аудан тұрғындары мен спортшыларға өз өнерлерін паш етті.