Алладан сауап үміт еткен жомарт Итемгеновтар әулетінің демеушілігімен бірлігі мен берекесі жарасқан киелі мекен Бесқарағай жерінде Алланың үйі ашылды. 

Ақ мешіттің ашылуына халық жаппай жиылып, жаңа нысанның қолданысқа берілуін аудан тұрғындары қуанышқа балады. Тағылымды шарада арнайы келген құрметті меймандар сөз алып, ақ тілектер төгілді.

Алла үйінің бой көтеруіне ықпал жасап, күш-жігерін аямаған жандарға тұрғындар өз алдына алғыстарын жаудырды. 

Мешіттің салтанатты ашылуында Абай облысының бас имамы Асқар Әбітайұлы құттықтау сөз сөйлеп, имандылық ордасы ел бірлігін сақтаудың ұйытқысы екенін жеткізді.