«Мәдениет ұлттың бет-бейнесі, рухани болмысы, ақыл-ойы, парасаты» деп дана халқымыз тек айтпаса керек. Осы орайда Бесқарағай ауданында мәдениет саласын дамыту бойынша жан-жақты қолдау көрсетілуде.

Осыған байланысты биыл, бірлігі жарасқан Бесқарағай ауданының 95-жылдық мерейтойы қарсаңында аудандық Мәдениет үйінде ағымдағы жөндеу жұмыстары басталған болатын. Оған облыстық бюджеттен 55 млн. қаражат бөлініп, бүгінгі күні жөндеу жұмыстары жүргізілуде.

Бүгін аудан әкімі Талғат Батырұлы аудандық Мәдениет үйіне барып, жөндеу жұмыстарының барысымен танысып, анықталған кемшіліктерге байланысты бөлім басшысына және Мәдениет үйінің директорына бірқатар тапсырмалар берді.

Жөндеу жұмыстары ағымдағы жылдың шілде айының аяғында аяқталып, көремендерге есігін айқара ашатын болады.

Тағы бір айта кететін жайт ауданымыздың 95-жылдық мерейтойы аясында аудандық Мәдениет үйінде ірі мәдени іс-шаралар өткізу жоспарлануда.