Бүгін аудан орталығындағы Спорт модулінде Жарма ауданының 95 жылдығына орай және Жеңіс күніне арналған іс-шаралар аясында Ұлы Отан соғысының даңқты мергені Төлеуғали Әбдібековті еске алуға арналған пневматикалық мылтық атудан ардагерлер арасында аудандық турнир өтті. 

Жарма ауданының ардагерлер кеңесі ұйымдастырған жарысқа 63 жастан асқан еңбек, әскери қызмет, басқа да салалардың ардагерлері, Қалбатау, Үшбиік, Қызылағаш, Қаратөбе, Қарасу, Шалабай, Жарық, Бірлік, Бірлікшіл, Аршалы ауылдық округтері мен Шар қаласының өкілдері қатысты.

Сондай-ақ, жарысқа қатысушыларға сәттілік тіледі. 

Іс-шара барысында Ақсуат ауданынан келген Рахымжанов Әсембек, Мәдениет үйінің өнерпаздары ән айтып, көрермендердін ықыласына бөленді. 

Қатысушылар нысананы көздеудегі мергендіктері бойынша сынға түсті. Жеңімпаздарды қорғаныс істері жөніндегі бөлім, алғашқы әскери дайындық оқытушылары, ардагерлер ұйымы өкілдерінен құралған төрешілер алқасы анықтады. Сайыс қорытындысы бойынша мергендер аңықталып, 1 орынға С.Ағайсенов (Қалбатау ауылдық округі), 2 орынға К.Тастағанов (Ақжал ауылдық округі), 3 орынға С.Көшкімбаев (Шар қаласы) ие болса «Ақсақал мерген» номинациясын Заманбек Таңатаров (Қаратөбе ауылдық округі) иеленді.