Жарма ауданының​ ​ 95 жылдығы аясында, Қалбатау ауылындағы Жастар үйінде​ Қазақстан халықтарының бірлігі күніне арналған «Би әлемі»​ байқауы​ өткізілді.

Іс-шараның мақсаты —​ жастардың Отанға деген мақтаныш сезімдерін арттыру, патриоттық тәрбие беру, өнерлі оқушыларды анықтап, ынталандыру.​ ​ Байқауға 9 оқушы қатысып, әр түрлі​ би билеп, өз өнерлерін ортаға салды.​

Байқау барысында интерактивті тақта арқылы байқау сайыскерлері туралы таныстырылым жасалып, әділқазылар алқасының бағалау нәтижесі бойынша оқушылардың жетістіктерін марапаттаумен жалғасын тапты. Байқау қорытындысында бас жүлдеге, I, II, III​ орындарға және арнайы номинацияға ие болған оқушылар марапатталды.

«Өнер - талантты өсіреді» демекші, асыл​ мұраны жалғастырып жүрген​ өнерлі оқушыларымызды әрдайым​ биік шыңдардан көргіміз келеді.​ ​ 1-орынға Ақжал ауылдық округінің​ Шәкенов атындағы орта мектебі окушыларының​ «Еркеназ» би тобы,​ 2-орынға Шар қаласындағы Тұрсынов атындағы орта​ мектебінің «Ай-шашу» тобы,​ 3-орынға​ Шар қаласындағы​ Көбдіков атындағы орта мектебінің бишісі​ Сейфуллина Нармина ие болды.