«Ауыл-ел бесігі» жобасының аясында Жарма ауданының төрт елді мекенінде республикалық бюджеттен бөлінген қаражатқа орташа жөндеу жұмыстары жүргізіліп жатыр.

Қазіргі уақытта Жаңғызтөбе кентінде 2,7 км, Бірлік кентіндегі Ғайнуллин көшесінде ұзындығы – 1 км, Шалабай ауылының Шекембай көшесінде 1,1 км, сондай-ақ Шар қаласының аудандық маңызы бар жолдарды жөндеу жұмыстары аяқталды.

Омбы-Майқапшағай республикалық маңызы бар жолды жөндеп жатқан шетелдік «Синьсин» компаниясы әлеуметтік ынтымақтастық туралы меморандумға сәйкес ұзындығы 7 шақырым болатын Абай және Қабанбай көшесін жөндеуге кірісті. Қазіргі уақытта асфальт төселіп жатыр.

Бұдан бөлек, мемлекеттік сатып алу байқауының нәтижесіне сәйкес мердігер «Нұрлы жол-KZ» ЖШС-гі Қаражал және Бірлік ауылында 9,4 км тас жолын орташа жөндейді.

Қалбатау ауылының Әбдірахманқызы және Әлімбетов көшелеріне (3,9 км) жолдарға орташа жөндеу жұмыстары жүргізіліп жатыр.