«Парасатты полицей» республикалық байқауында «Көркемсөз шебері» номинациясы бойынша Абай облысы Полиция департаментінің «Алаш ұрпақтары» командасы жеңіске жетті.

2023 жылдың 3 қыркүйегінде Жамбыл облысы Тараз қаласы Бауыржан Момышұлы атындағы «Жеңіс» саябағында полицейлер арасындағы «Парасатты полицей» республикалық байқауының ашылуы өтті. 

Командалар әртүрлі ұлт өкілдерінен құралды, олар өздерінің білімдері мен ойларын мемлекеттік тілде жеткізе біліп, заңдар мен кәсіби терминдердің қолданылуын көрсетіп, шығармашылық тапсырмаларды орындады. 

«Парасатты полицей» байқауында Абай облысы Полиция департаментінің атынан Сәуле Үрістемханқызы Түсіпова, Әлия Айдарқызы Айдарова, Ұлықбек Ғабитқазыұлы Жанахмет, Бота Советқызы Құдайберген, Александр Александрович Штихлинг, Жасқанат Нұриденұлы Иманбаев қатысты. 

«Көркемсөз шебері» номинациясында Абай облысының «Алаш ұрпақтары» командасы жеңіске жетті.