Бүгін Бесқарағай ауданы, Қарағайлы ауылдық клубына мүгедектігі бар адамдарды жұмысқа орналастыру үшін арнайы жұмыс орындарын құратын жұмыс берушілердің шығындарын субсидиялау қағидалары мен шарттарын жүзеге асыру бағытында әдіскер ретінде Имашева Зарина орналастырылды. 

Салтанатты ашылу рәсіміне аудан әкімі Талғат Батырұлы Мұратов, ауыл ақсақалдары, бөлім басшылары және Абай облысының еңбек мобильді орталығының қызметкерлері қатысты. 

Мемлекеттік бағдарлама аясында жерлесіміз Зарина Имашеваның жұмыс орны толық жөндеуден өтіп, керекті материалдық базамен қамтамасыз етілді. 

Іс-шара барысында алғы сөз алған ауыл ақсақалдары, ауыл аналары бағдарламаның тиімділігін тілге тиек етіп, зор алғыстарын білдірді.