Семейде «Student's life» атты мерекелік шара өтті
Бүгін Семей қаласында Халықаралық студенттер күніне орай Семей қаласының жастар ресурстық орталығының ұйымдастыруымен «Student's life» атты мерекелік шара өтті.
Іс-шараға Жоғары оқу орындары мен арнаулы орта оқу орындарының студенттері, белсенді жастар ұйымдарының өкілдері қатысты.
Шараның мақсаты - қаламыздағы студенттердің бос уақытын тиімді өткізу, мерекелік көтеріңкі көңіл-күй сыйлау. Сондай-ақ, талантты жастарды анықтау және қолдау, олардың шығармашылық қабілеттерін шыңдауға бағытталды.
«Студенттердің бастамаларына қолдау көрсету мақсатында мемлекеттік бағдарламаларды насихаттау, түсіндіру жұмыстары белсенді жүргізіледі. Барша студенттер қауымын Халықаралық студенттер күнімен шын жүректен құттықтаймын! Әрқашан ізденімпаз, көңілді және жігерлі болыңыздар. Өз күштеріңізге сеніп, қиындықтарды еңсере білсеңіздер жарқын болашаққа жол ашылады» - деп атап өтті Семей қаласының Жастар ресурстық орталығының директоры Ерсінбек Өрлеубек.
Концерт барысында студенттер үшін ән айтылып, түрлі ойындар ойнатылды. Айта кетейік, аталған шара жыл сайын дәстүрлі түрде өткізіліп келеді
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіАБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІҚазақстандық мектептердің 6,8 мың түлегі – «Алтын белгіге» үміткерПрезидент Қасым-Жомарт Тоқаевтың Республика күніне орай мемлекеттік наградалар мен сыйлықтарды салтанатты түрде тапсыру рәсімінде сөйлеген сөзі