Құрметті жерлестер, ардақты ағайын!

16 желтоқсан - ата-бабамыздың сан ғасыр бойы аңсаған асқақ арманы мен ақжарма тілегі орындалып, жарқын жасампаздық пен үкілі үміті үстем болып, егемен еліміздің еркін дамуына айқара жол ашқан - қасиетті де қастерлі күн.

Биыл егемендігімізді айқындайтын Тәуелсіздігімізге 32 жыл толып отыр. Азаттық үшін жан кешкен желтоқсан көтерілісінде қаншама намысты жастар азап шекті. Тәуелсіздікті ту еткен – желтоқсаншылардың ерлігі зор құрметке ие, жас ұрпақа үлгі өнеге. Егемен ел болу мәртебесін көру, бүгінгі ұрпаққа бұйырған зор бақыт. Осы қуанышымыз құтты, бақытымыз баянды болсын. Жаңа ғасырда қайта түлеген, жасарып, түрленген еліміздің тәуелсіздігі тұғырлы болсын.

Осынау ел халқының бірлігі мен берекесін ұлықтап, мемлекеттің мерейін асыратын мереке күні сіздерге зор денсаулық, отбасыларыңызға бақ пен береке, шаңырақтарыңызға шаттық тілеймін!

Құрметпен, Семей қаласының әкімі Нұрбол Нұрсағатов