2024 жылы Аягөз ауданында абаттандыруға бағытталған 37 жобаны іске асыру жоспарланған. Сондай-ақ, көпқабатты 20 тұрғын үйдің ауласын жөндеу көзделген.

Қаланы көгалдандыру жұмыстарын жүргізу мақсатында 300 дана терек, 100 дана қызыл шетен, 100 дана қайың, 200 дана қарағаш, 200 дана шырша отырғызылады.

Тұрғындардың сұранысымен төрт көшеде (Барақ батыр 114, Молдағұлова, Подгорная, Уәлиханов 53) балаларға арналған спорт алаңын және «Қозы Көрпеш-Баян сұлу» саябағында баскетбол-волейбол алаңын салынады.

Болашақтағы негізгі жобалардың бірі дене шынықтыру-сауықтыру кешенінің құрылысы болмақ. «Ауыл – ел бесігі» бағдарламасы аясында Ақши және Мамырсу ауылдарында спорт алаңдарының құрылысын бастау жоспарланған.

Сондай-ақ, 2024 жылы «Ауыл – ел бесігі» бағдарламасы аясында Аягөз қаласының 26 көшесінде (Аталықов, Макеев, Мәметов, Шайханкари, Серғазин, Құрманғазы, Б. Ысқақов, Байшашев, Нұғманов, Терлікбаев, Барақ батыр, С.Нұрахметов, Жамбыл, Болашақ, Сүлейменов, Алтынсарин, Рыночная, Сәрсенбаев, Ларшин, Талды, Тоқтаров, Молдағұлова, Байтұрсынов, Әділбаев, Мамбетов, Кудерина) 749 жарық бағаналары, Тарбағатай ауылының 5 көшесінде (Бейбітшілік, Өкпеті, Мектеп, Қарасеңгір, Қызылтас) жарық бағаналары орнатылады.

Қала көшелерінің санитарлық жағдайын жақсарту үшін 1466 қоқыс контейнері қойылады.

Жақын арада рекультивация әдісін пайдалана отырып, Аягөз қаласының тұрмыстық қалдықтар полигонының орнын ауыстыру жұмыстары басталмақ. Бүгінде полигонның орны бекітілген.