Бесқарағай ауданында ауданның 95 жылдығын мерекелеу басталды. Бүгін мұнда жасөспірімдер арасында гір көтеру бойынша облыстық турнир өтті. Ашық жарысқа Семей, Курчатов, Аягөз командалары, сондай-ақ Жарма, Бородулиха және Бесқарағай аудандарының спортшылары қатысты. Жарыстың салтанатты ашылу рәсіміне Бесқарағай ауданының әкімі Талғат Мұратов қатысты. 

Салауатты өмір салты мен спорт - табысты қоғамның кепілі. Спортты насихаттау мақсатында және Үржар ауданының 95 жылдығына орай бүгін 35 жастан жоғары ерлер командалары арасында Үржар ауданы әкімінің кубогына шағын футболдан ашық аудандық турнир өтті. Турнирге Үржар, Мақаншы, Жарма, Аягөз, Достық құрама командалары қатысты.