Жарма ауданының Шар қаласында белсенді жастар өз күштерімен Варепа көшесінде шағын футбол алаңының құрылысын жүргізуде.

Жалынды жастардың жүмыстарымен Жарма ауданының әкімі Жарқынбек Байсабыров танысты. Қаланың белсенді азаматтары балаларды спортқа баулу мақсатында осы футбол алаңының  құрылысына 5 миллион теңге қаражат жинаған.

Қазіргі таңда  алаңға қиыршық тас төсеу, қоршау орнату жұмыстары жүргізілуде. Алдағы уақытта газон салу жоспарланған.

Аудан басшысы жастардың осындай игі бастамасына қолдау танытып, ризашылығын білдірді.