Мостик ауылында, Бесқарағай ауданының мақтанышы, нағыз өз елінің патриоты болған, боксшы, футболшы, талай жастарға үлгі-өнеге бола білгін Ерлан Сыздықовты еске алуға арналған шағын футболдан турнир өтті. 

Аталған турнирге аудан әкімінің орынбасары Нұржан Оразбекұлы Агибаев, спорт саласының ардагерлері, Ерлан ағамыздың жақындары, Мостик ауылының тұрғындары қатысты. Турнирдің ұйымдастырушылары спорт ардагерлерін марапаттап, Ерлан ағамыздың отбасына құрмет көрсетті. 

Аталған турнирге Кривинка, Мостик, Долон, Бесқарағай ауылдарының ардагерлер командалары қатысты. Ойын қорытындысы бойынша Мостик ауылының командасы жүлделі бірінші орынға ие болды.

Спорттық іс-шара барысында аудандық Мәдениет үйінің әртістері ауыл тұрғындары мен қатысушыларға тамаша патриоттық әндер тарту етті.